Oʻzbekiston Paralimpiya oʻyinlarini 16-oʻrinda yakunladi

Oʻzbekiston jamoasi 8 ta oltin, 5 ta kumush va 6 ta bronza, jami 19 ta medalga sazovor boʻldi. Shunday qilib Oʻzbekiston umumjamoa hisobida 162 delegatsiya orasida musobaqani 16-oʻrinda yakunladi.

Bu haqda Milliy olimpiya qoʻmitasi axborot xizmati maʼlum qilldi.

Bu koʻrsatkich Osiyo jamoalari (Xitoy, Yaponiya va Erondan soʻng) va MDH (Rossiya, Ukraina va Ozarbayjondan keyin) mamlakatlari orasida toʻrtinchi, Markaziy Osiyo va Turkiy xalqlar orasida birinchi boʻldi.Maʼlumot uchun, Rio-2016 Paralimpiya oʻyinlarida ham 8 ta oltin medal bilan 16-oʻrinni band etgan edi.