Наманганда ЙТҲ оқибатида пиёда ва унинг 2 ёшли набираси вафот этди. Бундан ташқари, Наманган вилоятининг ўзида 2021 йилдаёқ бир неча марта ёш болалар (!) ўлими билан якун топган йўл транспорт ҳодисалари бўлган. Жумладан:⚫️14 апрель куни Наманган вилоятида 8 ёшли бола автомашина уриб юбориши оқибатида вафот этган;⚫️20 апрель куни Наманган вилоятида 5 ёшли қизалоқ автомашина уриб юбориши оқибатида вафот этган;⚫️25 апрель куни Наманган вилоятида 6 ёшли бола автомашина уриб юбориши оқибатида вафот этган;⚫️25 апрель куни Наманган вилоятида 2 ёшли бола автомашина тагида қолиб кетиши оқибатида вафот этган.Бир вилоятнинг ўзида 11 кун ичида 4 нафар ёш бола ЙТҲ оқибатида вафот этган (расмий маълумотларга кўра). Мудофаа ва хавфсизлик масалалари қўмитаси раиси Қутбиддин Бурханов Ички ишлар вазирининг ахбороти юзасидан маърузасида маълум қилишича, 2021 йилнинг 6 ойида болалар билан боғлиқ 542 та йўл-транспорт ҳодисаси содир этилган. Уларда 458 нафар бола жароҳатланган ва 104 нафар вояга етмаган бола ҳалок бўлган.
