24 соат фаолият юритувчи туман штаби ташкил этилди

Мингбулоқ тумани ҳудудида ижтимоий-иқтисодий ва ижтимоий-сиёсий ривожлантиришга қаратилган қатор муҳим давлат ва ҳудудий дастурлар ижросини ташкил этиш, аҳоли учун муносиб ҳаёт шароитларини яратиш, қишни беталофат ўтказиш, барча соҳаларда ислоҳотларни узлуксиз амалга ошириш юзасидан иш ташкил этилмоқда.

Фуқароларга қулай шарт-шароитлар яратиш мақсадида туман ҳокимининг биринчи ўринбосари бошчилигида сектор раҳбарларининг биринчи ўринбосарлари, коммунал соҳа ҳамда барча ижтимоий-иқтисодий соҳаларнинг узлуксиз ишлаши бўйича туман штаби ташкил этилди.

Туман ҳокимининг биринчи ўринбосари раҳбарлигида ўтказилган йиғилишда барча штаб аъзоларига юқорида келтириб ўтилган вазифалар бўйича тушунчалар ва бажарилиши лозим бўлган вазифалар белгилаб берилди.

Манбаа: Мингбулоқ 24