Тинч ва осойишта юртимиз янада тараққий этаверсин!!!

Гўзал ва бетакрор Ўзбекистонда ҳар йили баҳор ташрифи билан янгиланиш ва яшариш фасли бошланиб, баҳор айёми сифатида Наврўз умумхалқ байрами кенг нишонланади.
Наврўз бу тинчлик, тотувлик, фаровонлик байрами. Миллати, динидан қатъий назар, Ўзбекистонда яшаётган барча миллатлар, элатлар учун бирдек севимли айём. Кекса-ю ёш учун бирдек азиз шодиёнадир!
Яқинлашиб келаётган Наврўз байрами арафасида Халқ депутатлари маҳаллий Кенгаши депутатлари Олимхон ва Ғиёсиддин Бабахановлар ташаббуси билан Гулпора, Амир Темур, Чинор, Шарқ тонги, Ғишткўприк, Сумалак гузари ва Маданий маҳаллаларидаги нуроний отахон ва онахонлар ҳолидан хабар олинди. Уларга депутатларнинг байрам совғалари топширилди.
Кекса-нуронийлар тинч ва осойишта юртимизнинг янада тараққий этиши, дастурхонларимиз тўкин-сочинлиги ва турмушимиз фаровонлигини Яратгандан сўраб дуолар қилишди.

👉 @Jurnalist24uz таклиф этамиз!