O‘zLiDeP Наманган шаҳар ва Давлатобод туман Кенгаши томонидан Наманган Муҳандислик технология институтида “Депутат ва ёшлар” мавзусида давра суҳбати ўтказилди.
Халқ вакиллари томонидан Ўзбекистон Республикаси Конституциясини такомиллаштириш бўйича тузилган миллий комиссия, унинг вазифалари хусусида сўз юритилди. Бош қомусимиз бўлган Конституцияга киритилаётган ўзгартириш ва қўшимчалар, бу жараёнда ёшларнинг фикр-мулоҳазалари муҳим аҳамиятга эга эканлиги алоҳида таъкидлаб ўтилди.
Шунингдек мамлакатимизда ёшларни ҳар томонлама қўллаб-қувватлаш, уларнинг иқтидорлари ва истеъдодларини кенг намоён этишга яратиб берилаётган имкониятлар ҳақида тўҳталиб ўтилди.
Талаба ёшлар томонидан Конституциямизни такомиллаштириш юзасидан бир қатор таклифлар билдирилди ва улар ўзларини қизиқтирган барча саволларига батафсил жавоб олдилар.
Тадбир сўнггида бир гуруҳ фаол ёшларга депутатнинг эсдалик совғалари топширилди.
