O’zLiDeP депутатлари Мингбулоқда ташкил этган янги корхонада 200 нафар хотин-қизлар бандлиги таъминланди

Халқ депутатлари маҳаллий Кенгаши депутатлари, ака-ука тадбиркорлар Олимхон ва Ғиёсиддин Бабахановлар томонидан ишсиз ёшлар ва хотин-қизларни доимий иш билан банд этиш борасида амалий чора-тадбирлар олиб борилмоқда.
Бунда асосий эътиборни, депутатлар бошқариб келаётган “ART SOFT HOLDING” компанияси таркибидаги ишлаб чиқариш корҳоналарида қўшимча қувватларни ишга тушириш ва янги лойиҳаларни амалга ошириш ҳисобига янги иш ўринларини яратиш орқали аҳоли бандлигини таъминлашга қаратишмоқда.
Айни шу мақсадда, Мингбулоқ тумани, Гигант қишлоғи Меҳнатобод маҳалласида лойиҳа умумий қиймати 3 миллион АҚШ долларига тенг замонавий, барча қулайликларга эга бўлган “Art Soft Gigant” тикувчилик корхонаси ташкил этилди.