«Ўзгидромет» директори шошилинч хабар билан чиқди

«Ўзгидромет» директори Шерзодхўжа Ҳабибуллахўжа ўз саҳифасида шошилинч ахборот билан чиқди.

Жорий йилнинг 18-20 август кунлари Ўзбекистон ҳудудларига Урал ҳудудларидан салқин ҳаво кириб келади.

18-20 августда республика бўйича баъзи жойларда шамол 17-22 м/с гача кучайиши, айрим жойларда чанг-тўзонлар кузатилиши кутилмоқда, жумладан:

18 августда Бухоро, Навоий вилоятларида;
19-20 августда Бухоро, Навоий,Қашқадарё, Самарқанд, Жиззах, Фарғона, Наманган вилоятларида шамол кучайиши 24-27 м/с га етиши мумкин.

19-20 августда кундузги ҳаво ҳарорати 27-32 даражагача пасаяди.