Қозоғистонда 14 октябрь куни содир бўлган иккита зилзила кучи Ўзбекистонда сезилди.

ФВВ Сейсмопрогностик мониторинг Республика маркази хабарига кўра, биринчи зилзила Тошкент вақти билан 04:39 да қайд этилган. Зилзила ўчоғи 15 километр чуқурликда, магнитудаси 5,2 баллга тенг бўлган. Ўзбекистонда сезилиш кучи Тошкент туманида 2 баллни ташкил қилган.

Иккинчиси эса соат 05:16 да қайд этилган бўлиб, эпицентрида магнитудаси 2,6 баллга тенг бўлган. Унинг кучи ҳам фақат Тошкент туманида сезилган (2 балл).

Сўнгги марта 11 октябрь куни Афғонистонда содир бўлган иккита зилзила Ўзбекистонда сезилганди.