Тошкент ҳамон дунёнинг энг ҳавоси ифлос шаҳарлари рўйхатида

Тошкент шаҳри 20 октябрь соат 22:03 ҳолатига кўра, IqAir маълумотларига кўра, дунёнинг ифлосланган шаҳарлари рейтингида еттинчи ўринни эгаллади.

Ўзбекистон пойтахти Ҳиндистоннинг Колката ва Канаданинг Ванкувер ўртасида жойлашган. Айни дамда Сиэтл дунёдаги энг ифлос шаҳар деб тан олинди.

18 октябрь куни ёмғир Тошкент ҳавосининг ифлосланишини тарқатишга ёрдам берди. Бироқ, кечқурун пойтахт яна дунёнинг энг ифлос шаҳарлари рейтингида кўтарилди.

Aввалроқ, 17 октябрь куни Тошкент шаҳрида ҳаво ифлосланиши нормадан саккиз бараварга ошгани хабар қилинганди. Пойтахт аҳолисидан уйларидан чиқмаслик ва ниқоб тақиш сўралган. Экологлар Тошкент бўйлаб ҳам автомашиналар билан айланиб, ҳаво намуналарини олишди.