Uzbekistan Airways авиакомпанияси Тошкент–Шарм аш-Шайх–Тошкент йўналиши бўйича авиақатновлар сони оширилганини маълум қилди.
Қайд этилишича, ҳозирда Мисрдаги курорт шаҳрига қатновлар ҳафтада 1 марта – шанба кунлари амалга оширилмоқда. Uzbekistan Airways жорий йилнинг 23 ноябрдан ушбу халқаро йўналишда чоршанба кунлари қўшимча қатновларни йўлга қўяди.
Тошкент–Шарм-аш-Шайх йўналишидаги чипталар нархи 2 396 845 сўмдан, Тошкент–Шарм-аш-Шайх–Тошкент йўналишидаги авиачипталар нархи эса 4 412 808 сўмдан бошланади.
Нархлар 24 октябрь ҳолатига кўра амал қилади.