Ерга бир туп дарахт экмоқнинг савоби ва фойдаси табиат ва инсонлар учун катта. Шундай экан экинлардан холи ҳудудларни яшил масканга айлантириш ишлари Наманган вилоятининг барча туманларидаги Қўриқлаш бўлимларида амалга оширилмоқда. Жумладан Тўрақўрғон туманида ҳам «Яшил макон» умуммиллий лойиҳаси кўтаринки кайфият билан бошланди.Тўрақўрғон тумани Қўриқлаш бўлими ходимлари томонидан янги қуриб битказилаётган маъмурий биноси худудига манзарали ҳамда мевали кўчатлар ўтказилди.
Ана шундай хайрли мақсадлар билан Наманган вилояти Қўриқлаш бошқармаси, шаҳар ва туман Қўриқлаш бўлимлари ходимлари томонидан жами 1267 та манзарали ва 1428 та мевали дарахтлар экилиб уларнинг атрофлари ободонлаштирилди.
