Ўзбекистон Республикаси Президентининг 2021 йил 17 июнь кунидаги “Камондан отиш спорт турини янада ривожлантириш ва оммалаштириш чора-тадбирлари тўғрисида”ги 5149-сонли қарори ижросини таъминлаш мақсадида Наманган вилояти Қўриқлаш бошқармаси, Наманган вилоят камондан отиш федерацияси билан ҳамкорлигида Давлатобод туманида жойлашган 58-сонли мактабда ўқувчи ёшлар ўртасида Камондан отиш спорт тури бўйича мусобақа ўтказилди.

Мусобақада ўқувчи ёшлар фаол иштирок этдилар. Мусобақа якунида юқори натижалар қайд этган ўқувчилар мусобақа ташкилотчиларининг эсдалик совға ва дипломлари билан тақдирландилар.