Namangan shahar hokimligi ishchi guruhi Chorsu bozorida boʻlib arzonlashtirilgan mahsulotlar yarmarkasi faoliyati bilan tanishdi.

Namangan shahar hokimligi tomonidan sovuq ob-havo sharoitida haridor va sotuvchilarga qulaylik yaratib berish, birlamchi oziq-ovqat mahsulotlarini narxini oshib ketishini oldini olish maqsadida bozorda maxsus arzonlashtirilgan savdo yarmarkalari faoliyati yoʻlga qoʻyilgan.

Maxsus savdo shoxobchalarida tomorqadan dasturxonga tamoyili asosida sotuvchi va xaridorlarga qulay sharoit yaratib berildi. Bozorda oziq-ovqat mahsulotlari saqlash joylari va maxsus yarmarka faoliyati bilan tanishgan shahar hokimi tegishli mutasaddilarga bozor hududini obodonlashtirish, aholi uchun zarur boʻlgan birlamchi oziq-ovqat mahsulotlari narxini nazorat qilish boʻyicha topshiriq berdi.