Ўзбекистон Республикаси Қуролли кучлари ташкил этилганининг 32 йиллиги ва 14 январь – Ватан ҳимоячилари куни муносабати билан “Халқ ва армия бир тану – бир жон” шиори остида “Ватанпарвар ойлиги” доирасида Наманган шаҳридаги Президент мактабида Шарқий ҳарбий округ қўшинлари қўмондони ва ўқувчи-ёшлар учрашуви бўлиб ўтди.
Тадбир ёшларни ҳарбий ватанпарварлик руҳида тарбиялаш, ҳарбий хизматга қизиқтириш мақсадида ташкил этилди. Унда Шарқий ҳарбий округ қўшинлари қўмондони генерал-майор Ойбек Саидов, Наманган шаҳар ҳокими Анваржон Отаходжаев ва ўқувчи ёшлар иштирок этишди.
Очиқ мулоқот шаклида ўтган тадбирда, ўқувчи-ёшлар ҳарбий қўмондон ва шаҳар ҳокимига ўзларини қизиқтирган саволлар билан мурожаат қилди. Учрашувда қўмондон томонидан тадбирда фаол иштирок этган ўқувчиларга эсдалик совғаларини топширди.