Уйчи туманида яшовчи фуқаро М.Қамбаров томонидан вилоят Экология ва атроф-муҳитни муҳофаза қилиш бошқармасига дарё бўйида ноқонуний чиқиндихона пайдо бўлгани ва ушбу ҳолатни бартараф этилишини сўраб мурожаат қилинган эди.
Юқоридаги мурожаат юзасидан бошқарманинг назорат соҳасидаги Уйчи туман инспекцияси, вилоят «Тоза ҳудуд» ДУКнинг Уйчи туман филиали томонидан техникалар жалб қилиниб, ноқонуний чиқиндилар бартараф этилди, туман чиқиндихонасига ташиб кетилди.
Хозирда туман инспекцияси томонидан ушбу мурожаатда кўрсатилган ҳудудда назорат рейд тадбирлари олиб борилмоқда.
Манба: Наманган вилояти Экология ва атроф-муҳитни муҳофаза қилиш бошқармаси Ахборот хизмати.