Халқ депутатлари маҳаллий Кенгаши депутатлари Олимхон Бабаханов ва Ғиёсиддин Бабахановлар ташаббуси билан 14-январь “Ватан ҳимоячилари куни” муносабати билан Наманган шаҳридаги 7254 Харбий қисмда “Ватан ҳимояси – муқаддас бурч” шиори остида маданий-маърифий тадбир ўтказилди.

Тадбирда мустақиллик йилларида Қуролли Кучларимиз салоҳиятини мустаҳкамлаш, замонавийлаштириш ва ислоҳ қилиш йўлида амалга оширилган барча саъй-ҳаракатлар мустақиллигимизни асраб-авайлаш, сарҳадларимиз дахлсизлиги, осмонимиз мусаффолиги ҳамда эл-юртимиз осойишталигини таъминлашга қаратилганлиги алоҳида таъкидланди.

Тадбир сўнггида Она Ватан олдидаги муқаддас бурчини бажараётган бир гурух Ватан ҳимоячиларига депутатларнинг байрам совғалари топширилди.