Давлатимиз раҳбари томонидан Маҳалла институтига қўйилаётган мақсадли вазифалар муносабати билан Давлатобод туманининг 26 та маҳалла фуқаролар йиғинларида давом этаётган маҳалла фуқаролар йиғини раиси ва маҳалла оила ва хотин-қизлар ижтимоий маънавий масалалари бўйича раиси ўринбосари, профилактика инспекторининг 2022 йил «Инсон қадрини улуғлаш ва фаол маҳалла йили» деб эълон қилинганлиги юзасидан МФЙни Кенгаши аъзолари олдида “2021 йил давомида амалга оширилган ишлари ва 2022 йилда амалга оширилувчи ишлар тўғрисида” ҳисобот йиғилиши туманнинг Наврўз маҳалласида ўтказилди.
Хисобот йиғилишида тўпланиб қолган халқ дардини ечими топиши юзасидан маҳалла фуқаролар йиғини раиси ва унинг фаоллари олдига қўйилётган инсон қадрини улуғлашга қаратилган амалий ишлар юзасидан маҳалла Кенгашида келишилиб, маҳалладаги обрўли Нуронийларни, маҳаллада ишсиз ва боқимандалик кайфиятидаги аҳоли қатламига, ажрим ёқасидаги оилаларга бириктириш юзасидан ва жиноятчиликни камайтиришга қаратилган ишлар режаси қабул қилинди. Йиғилиш давомида маҳалла раиси ва раис ўринбосарининг ҳисоботи тингланиб 2021 йил фаолияти қониқарли деб баҳоланди.
Манба: Давлатобод туман ҳокимлиги