Янги Андижон лойиҳаси 8 босқичда амалга оширилади

Вилоят ҳокими Шуҳратбек Абдураҳмонов “Янги Андижон шаҳри”да бўлиб, амалга оширилаётган бунёдкорлик ишларини атрофлича кўздан кечирди. Бунёдкорлар ҳамда мутасаддилар билан мулоқоти давомида қурилиш жараёнини таҳлил этиб, зарур тавсия ва таклифлар берди.

Янги шаҳар лойиҳаси 8 босқичда амалга оширилади. Биринчи босқичда 3 минг 310 хонадонли 170 та кўп қаватли уй-жой, 1 минг 680 ўринли мактаб, 385 ўринли мактабгача таълим ташкилоти, 200 қатновли поликлиника қурилади. Шунингдек, ҳудудда кенг кўламли ободонлаштириш ва кўкаламзорлаштириш ишлари олиб борилмоқда.

Манба: Андижон вилояти ҳокимлиги