Ўзбекистон Республикаси Олий ва ўрта махсус таълим вазирлиги ва Истеъдодли ёшларни қўллаб-қувватлаш “Улуғбек” жамғармаси томонидан талабалар (бакалавриат, магистратура), докторантлар ва ёш тадқиқотчиларни илм-фан соҳасидаги инновацион ташаббусларини қўллаб-қувватлаш мақсадида “Янги Ўзбекистоннинг истеъдодли ёшлари” илмий-инновацион ишланмалар Республика танлови эълон қилинади.

Танловга қуйидаги йўналишлар бўйича илмий-инновацион ишланмалар (қурилма, асбоб-ускуналар ва бошқалар) 2022 йилнинг 24 январь кунидан 1-март кунига қадар қабул қилинади:

– техника ва технология;

– ахборот технологиялари;

– тиббиёт;

– қишлоқ ва сув хўжалиги;

– архитектура ва қурилиш.

Танловга 40 ёшгача бўлган тадқиқотчилар иштирок этишлари мумкин.

Танловга тақдим етилаётган ишланмаларга қуйидаги талаблар қўйилади:

– илмий янгилиги (қиёсий таҳлил);

– ишланманинг долзарблиги ва қўлланиш соҳаси;

– техник иқтисодий тавсифи;

– ишланмага оид илмий ишлар рўйхати (мавжуд бўлса);

– ишланманинг намуна нусхаси ёки инновацион қурилма чизмалари тақдим этилади.

Илмий-инновацион ишланмалар Олий ва ўрта махсус таълим вазирлигининг Илмий-тадқиқот ва инновацион фаолиятни ривожлантириш бошқармасига (nauka@edu.uz электрон манзили, телеграм: 97-746-37-21) тақдим этилади.

Танлов ғолиблари:

1-ўрин учун 30 000 000 (ўттиз миллион) сўм;
2-ўрин учун 20 000 000 (йигирма миллион) сўм;
3-ўрин учун 10 000 000 (ўн миллион) сўм пул мукофоти ва махсус диплом билан тақдирланади.

Тақдим этилган ҳужжатлар (ишланмалар) етакчи олимлардан иборат экспертлар гуруҳи томонидан март-апрель ойлари мобайнида кўриб чиқилади ва танлов ғолиблари жорий йилнинг май ойида эълон қилинади.

Манба: Edu.uz