Жиззах вилояти Зарбдор тумани Шарқ юлдузи мфй Бахт қишлоғида мактабдан келаётган «бахтли» болалар

Мурожаатчининг айтишича Август- Сентябр ойларида онлайн овоз беришда қишлоқ кўчасини шағаллаштириш учун энг кўп овоз йиғилиб, 260 миллион сўм шағаллаштиришга пул ажратилиши керак бўлган. Декабр ойида чамаси 900 метр масофа шағаллаштирилган. Шағал жуда сифатсиз бўлиб, 60-70 % тупроқ аралашган, бир марта ёмғир ёққанда шағал ҳам, 260 миллион ҳам «оқиб» кетган.

Мана шу расмдаги Бахт қишлоғининг «бахтли» болалари мактабга, боғчага бориб келадиган асосий йўли экан. Ҳеч бўлмаса мана шу асосий йўлни таъмирлаб қўйса бўлмайдими?

Тушунмайман, мана шундай ҳудудлар «Обод қишлоқ» дастурига киритилмаса, қандай жойлар киритилмоқда?

Манба: t.me/OlimjonHaydarov