Халқ депутатлари маҳаллий Кенгаши депутатлари Олимхон Бабаханов ва Ғиёсиддин Бабахановлар ташаббуси билан “Бир депутат юз аёлга кўмакчи” лойиҳаси доирасида тизимли ишлар амалга ошириб келинмоқда.
Айниқса, аёлларни ижтимоий қўллаб-қувватлаш ҳамда ишсиз аёллар бандлигини таъминлашга қаратилган “Аёллар дафтари”га киритилган хотин-қизларнинг турмуш фаровонлиги янада яхшиланишига алохида эътибор қаратиб келинмоқда.
Депутатларнинг хотин-қизларни муносиб иш топишларига ҳар томонлама кўмаклашиш, улар тадбиркорлигини қўллаб-қувватлаш, иқтидорли ёш хотин-қизларни аниқлаш ва қобилиятларини тўғри йўналтириш борасида олиб бораётган саъйи харакатлари натижасида жорий йилнинг январ ойида 74 нафар хотин-қизлар “Art Soft Holding” компанияси ишлаб чиқариш корхоналарига ишга жойлаштирилди.
Бу каби амалий ишлар хотин–қизларнинг жамиятдаги ўрни ва мақеининг янада ошишига хизмат қилмоқда.