Нуронийлар доимо эъзозда, эҳтиромда!

Наманган вилоятида ана шу шиор остида кексаларни эъзозлаш, марҳум қаҳрамонларни ёдлаш тадбири бўлиб ўтди.

• Муҳтарам юртбошимиз таъкидлаганларидек “Инсон қадри – улуғ. У эртага эмас, узоқ келажакда эмас, айни бугун ўз ҳаётидан рози ва мамнун бўлиб яшаши керак, деган ибораларини ҳар кунимиз дастури амали бўлиши керак!»
  Бугун кўплаб қаҳрамон юртдошларимиз орамизда йўқ, лекин уларнинг бой тажриба мактаби авлодлари ва шогирдлари фаолиятида давом этаётгани қувонарли ҳол. Уларнинг мардонавор ҳаёт йўллари ёшларимиз учун чинакам ватанпарварлик ҳиссини сингдирувчи мактабдир, – дейди тадбирни очиб берган вилоят ҳокими Шавкатжон Абдураззоқов.

Вилоятдан 5 нафар турли соҳа фидойиларига Ўзбекистон Қаҳрамони унвонлари берилган. 8 нафар Совет Иттифоқи Қаҳрамонлари, 58 нафар Меҳнат Қаҳрамонлари яшаб ўтишган.

Тадбир давомида қаҳрамон ватандошларимиз хотирасига бағишланган видеороликлар намойиш этилди.