15 нафар иқтидорли ўқувчилар ота-оналарига депутат ташаккурномаси топширилди

Ўзбекистон Республикаси Президент Шавкат Мирзиёев ҳузурида 2022 йил 5 апрел куни халқ таълими соҳасида амалга оширилаётган ислоҳотлар натижадорлигига бағишлаб ўтказилган кенгайтирилган йиғилишда белгилаб берилган устивор вазифалар ижросини таъминлаш мақсадида Халқ депутатлари Маҳаллий Кенгаш депутатлари Олимхон Бабаханов ва Ғиёсиддин Бабахановлар томонидан сайлов округи ҳудудидаги умумтаълим мактабларида амалий тадбирлар ўтказиб келинмоқда.

Айни шу мақсадда Наманган шаҳридаги 43-15-4-22-29-сонли умумтаълим мактабларида намунали ўқувчиларнинг ота-оналарини рағбатлантиришга бағишланган тадбир ташкил этилди.

Тадбир давомида мактабда дарсларни аъло баҳоларга ўзлаштирган, намунали хулқи ва фаоллиги билан ўрнак бўлиб келаётган 15 нафар ўқувчиларнинг ота-оналарига депутатларнинг ташаккурномалари ва эсдалик совғалари топширилди.