Тошкент ва Волгоград шаҳри ўртасида йўловчи поездлари қатнови йўлга қўйилади

Тошкент шаҳридан Россия Федерациясининг Волгоград шаҳрига ҳам йўловчи поездларнинг ҳаракати қўйилади. 2022 йил 25 июньдан бошлаб 324/323 сонли “Тошкент – Волгоград – Тошкент” йўналишларида йўловчи поездининг ҳаракати бошланади.

324/323 сонли “Тошкент – Волгоград – Тошкент” йўналишларида йўловчи поезд ҳафтанинг шанба куни соат 23:58 да Тошкент “Марказий” темир йўл вокзалидан жўнаб кетади ва сешанба куни соат 09:56 да Россия Федерациясининг “Волгоград” темир йўл вокзалига етиб боради. Волгограддан эса сешанба куни соат 19:59 да жўнаб кетиб, Тошкентдаги вокзалга жума куни соат 06:54 да етиб келади.

Маълумот учун, Тошкентдан Волгоградгача темир йўл орқали бўлган бўлган масофа 2996 километрни ташкил этади. Поезд 60 соат давомида ҳаракатланади. 324/323-сонли ушбу йўналишда йўловчи поезди 11 та вагондан иборат: 3 купе, 7 плацкарт ва вагон-ресторан.