Наманган вилоятида бугунги кунда истеъмолчиларни “Маҳаллабай” тизимда суюлтирилган газ билан таъминлаш жорий этилган бўлиб, бунда ҳар бир маҳалла ва кўчалар тасдиқланган график асосида кунлик суюлтирилган газ билан таъминланмоқда. Хусусан, 2022 йил 6-8 июль кунлари ишлаб чиқарувчи заводлардан 26 та вагон-цистерналарда 1178 тонна суюлтирилган газ келтирилди ҳамда ой бошидан филиал томонидан 62665 та аҳоли хонадонларига 1253 тонна суюлтирилган газ етказиб берилди.
Байрам кунлари суюлтирилган газ истеъмолчиларига 350,0-400,0 тонна суюлтирилган газ етказиб бериш режалаштирилган.
Бундан ташқари табиий ва суюлтирилган газ таъминоти бўйича жойларда барча масъуллар белгиланган тартибда ўз вазифаларини бажаришмоқда. Жойларда байрам кунлари истеъмолчиларни бир маромда табиий ва суюлтирилган газ билан таъминлаш бўйича навбатчилик жадваллари тузилди.
Байрам кунларида истеъмолчилар томонидан мурожаатларни қабул қилиш ва ўз вақтида ижросини таъминлаш бўйича
қисқа 104, 1104 ҳамда (69) 227-96-65 телефон рақамлари орқали хизмат кўрсатилади.
Барчангизга тинчлик ва осойишталик тилаб қоламиз!
“Ҳудудгаз Наманган” газ таъминот филиали