Халқ депутатлари Маҳаллий Кенгаш депутатлари Олимхон Бабаханов ва Ғиёсиддин Бабахановлар томонидан аҳолининг мавжуд долзарб муаммоларини жойига чиққан ҳолда бартараф этиш, ишсиз аҳолини бандлигини таъминлашга кўмаклашиш ва эхтиёжманд аҳоли вакилларини қўллаб-қувватлаш мақсадида “махаллабай” ва “фуқаробай” тизими асосида иш ташкил этиб келинмоқда.

Куни-кеча Наманган шаҳридаги Маданий, Сумалак гузари, Ғишткўприк, Шаршара, Ойдинкўл ва Шарқ тонги маҳалласи аҳолиси билан ўтказилган учрашувларда иш билан таъминлаш юзасидан билдирилган 2 та мурожаатлар жойида ҳал этилиб, уларни депутатлар бошқариб келаётган “Art Soft Tex” ва “Art Soft Chamanzor” ишлаб чиқариш корхоналарига тикувчи, тозаловчи ва қадоқловчи йўналишларга ишга қабул қилиш билдирилди.

• “Сумалак гузари” маҳалласидаги ногиронлиги бўлган фуқаро мурожаати бўйича депутатлар ҳомийлик маблағи хисобига ногиронлик аравачаси олиб берилди. “Шаршара”, “Маданий” ва “Ойдинкўл” маҳалласидаги эхтиёжманд хотин-қизларнинг даволаниш ҳамда уй-жойини таъмирлашга ёрдам сўраб билдирган мурожаатлари ҳам депутатлар томонидан ҳомийлик асосида ижобий ҳал этилди.
• Уй-жойини янгилашга амалий ёрдам сўраган эхтиёжманд фуқаро мурожаати “Шарқ тонги” МФЙ ишчи гурухи билан ўрганиб чиқилиб, “Саховат ва кўмак” жамғармасидан пул маблағларини ажратиш масалаларини кўриб чиқиш учун 3-секторга тегишли хужжатлар тайёрланди.
• Суюлтирилган газ баллони билан таъминлашда ёрдам сўраб билдирилган 6 та мурожаатлар юзасидан “Худудгаз Наманган” газ таъминоти филиалига депутатлик сўрови юборилиб, ижроси назоратга олинди.