Joriy yilning 26 sentabr kuni “O‘zkomnazorat” Davlat inspeksiyasining Namangan viloyati hududiy inspeksiyasi tomonidan Namangan viloyati Xalq ta’limi boshqarmasida, Axborot kommunikatsiya texnologiyalarini joriy etish bo‘yicha mutaxassislar, maktab direktorlari va informatika fani o‘qituvchilari ishtirokida axborot xavfsizligi va kiberxavfsizlik talablariga rioya etish mavzusida seminar o‘tkazildi.

Seminar jarayonida hududiy inspeksiya xodimlari tomonidan seminar ishtirokchilariga internet tarmog‘idan, axborot tizimlari va axborot resurslaridan foydalanish jarayonida axborot xavfsizligini talablariga rioya qilish, kiberxavfsizlik ta’minlash bo‘yicha bajarilishi lozim bo‘lgan vazifalar, foydalanish qoidalari, parol siyosatiga amal qilishlari, veb-resurlarni himoyalash va joriy etilgan axborot tizimlarini yanada takomillashtirish, axborot va kiberxavfsizlik bo‘yicha xodimlar malakasini oshirish masalalarida bo‘yicha batafsil tushuntirishlar berildi.

Shuningdek, hududiy inspeksiya xodimlari tomonidan seminar ishtirokchilar tomonidan berilgan savollarga javoblar berildi.