ИИВ Ўзбекистонга 9 ойда қанча россиялик кириб келганини маълум қилди

Ички ишлар вазирлиги Миграция ва фуқароликни расмийлаштириш бош бошқармаси ўтган ойлар давомида Ўзбекистонга қанча Россия фуқаролари кириб келганини маълум қилди.

Қайд қилинишича, 2022 йилнинг 9 ойи давомида Ўзбекистонга жами 318 156 нафар Россия федерация фуқаролари кириб келган.

Уларнинг 210 минг 902 нафарини эркаклар, 107 минг 254 нафарини аёллар ташкил қилади.

Эслатиб ўтамиз, сентябр ойида Росстат 419 минг россиялик мамлакатни тарк этгани ва шулардан 38,6 минг нафари Ўзбекистонда қўним топгани ҳақида маълум қилган эди.