Ҳиндистонда туғилган шахс, Ўзбекистон қонунчилиги бўйича жиноий жавобгарликка тортилди.

Қашқадарё вилоятида жойлашган «Индорама агро» МЧЖ вилоят ИИБга мурожаат қилган.

Таъкидланишича, телеграм мессенжиридаги гуруҳда «Rahul» номли фойдаланувчи инглиз тилида ишчи ходимларни ҳақорат қилиб, бир қанча ишчиларнинг эътирозларга сабаб бўлганини билдирган. Мурожаатчи ушбу шахсни аниқлаб, унга нисбатан қонуний чора кўрилишини сўраган.

Тезкор-қидирув тадбирлари натижасида телеграм мессенжерида ҳақоратли сўзларни ишлатган шахс Ҳиндистонида туғилган, ҳозирда «Индорама агро» МЧЖда ишловчи ходим К.Р. экани аниқланган.

К.Р.га нисбатан Жиноят Кодексининг 140-модда 2-қисми билан жиноят иши қўзғатилиб, тергов ҳаракатлари олиб борилмоқда.