Ўзбекистон чойни энг кўп қаердан сотиб олаётгани айтилди

Ўзбекистон 2022 йилнинг январь сентябрь ойларида 24 та хорижий давлатдан қиймати 31,9 миллион долларга тенг бўлган 23,6 минг тонна чой импорт қилди. Бу ҳақда Давлат статистика қўмитаси ахборот хизмати хабар берди.

Қайд этилишича, чой импорти 2021 йилнинг мос даври билан солиштирилганда 8,6 минг тоннага камайган. 2022 йилнинг 9 ойида Ўзбекистон энг кўп чой импорт қилган давлатлар:

• Хитой – 19,7 минг тонна;
• Кения – 1,2 минг тонна;
• Эрон – 614 тонна;
• Ҳиндистон – 439 тонна;
• Индонезия – 378 тонна;
• Шри-Ланка – 334 тонна;
• Россия – 258 тонна;
• БАА – 190 тонна.