Ўзбекистон Республикаси Олий суди ва Судьялар олий кенгаши томонидан фуқаролар ва тадбиркорлик субъектларини, шунингдек, давлат ҳокимияти ва бошқарув органлари ходимларини маъмурий судлар фаолияти ва уларнинг жамиятда қонунийликни таъминлашдаги роли билан таништириш белгиланган. Шунга кўра, Наманган вилоят маъмурий судида видеоконференцалоқа шаклидаги семинар бўлиб ўтди. Маъмурий судларнинг судьялари, ФҲДЁ органлари ҳамда Давлат нотариал идоралари ходимлари иштирокида ўтказилган онлайн семинарда нотариал ҳаракатни амалга ошириш, фуқаролик ҳолати далолатномаларини ёзишни рўйхатга олиш рад этилганлиги ёки нотариуснинг ёхуд фуқаролик ҳолати далолатномаларини ёзиш органи мансабдор шахсининг ҳаракатлари (ҳаракатсизлиги) устидан маъмурий судларга мурожаат қилиш сабаблари, бу борада учраётган муаммо ва камчиликларга тўхталиб ўтилди.
Маърузачилар давлат органлари билан муносабатларда маъмурий суд амалиётида қонунларни қўллаш борасида шаклланган тажриба, шунингдек суд амалиётидаги учраётган баъзи муаммолар ва уларнинг ечими ҳақида фикр-мулоҳаза билдирдилар. Семинар иштирокчилари мазкур йўналишда ўзларини қизиқтирган саволларга мутахассислардан жавоблар олдилар.
