Андижонда 7-синф ўқувчиси устозини тепди ва ҳақорат қилди. Бу ҳақда «Дарё»га маълум қилган манбанинг айтишича, воқеа вилоятнинг Улуғнор туманидаги 17-мактабда содир бўлган.
Ўқувчи қиз тарих фани ўқитувчиси Ҳакима Бўриеванинг дарсига халал бериб, синфхона эшигини очиб-ёпаверган. Шундан сўнг ўқитувчи унга бу ҳақда айтган ва эшикни ёпиб қўйишини сўраган. Юқоридаги жанжал шундан келиб чиққан, — дейди бу ҳақда хабар берган манба.
Манбанинг айтишича, ўқитувчига зўравонлик қилган ўқувчи қиз ўша куни синфхона эшиги ва раковинани ҳам синдирган.
Воқеа ҳақида ҳозирча масъуллар ахбороти эълон қилинмаган.