Талабалар учун «камондан отиш» спорт тури бўйича махорат дарслари ташкил этилди

Бугунги кунда мамлакатимизда ёш авлодни ватанпарварлик рухида тарбиялаш, ўсиб келаётган ёш авлод онгида миллий ғурур ва ватанга мухаббат туйғуларини шакиллантириш мақсадида барча соха вакиллари қатори Ўзбекистон Республикаси Миллий гвардияси томонидан ҳам тизимли ишлар амалга ошириб келинмоқда. Хусусан, Наманган вилояти Қўриқлаш бошқарммасида ўтказилган очиқ ешиклар куни доирасида Наманган муҳандислик-технология институти талабалари ташриф буюриб, бошқарма маъмурий биносида ходимларнинг хизмат олиб боришлари, ўзларининг билим ва кўникмаларини оширишлари учун яратилган шароитлар билан танишдилар.

Бундан ташқари бошқарма ходимлари томонидан талабалар учун камондан отиш спорт тури бўйича махорат дарси ҳам ташкил этилиб, ўқувчиларга камондан отиш усуллари ва камоннинг тузулиши ҳақида тушунчалар бериб ўтдилар.