Поп туманида ташкил этилган “Саховат карвони” да 1000 дан ортиқ оилага рўзғор учун энг зарур озиқ-овқат маҳсулотлари етказилди.

Саховатнинг савоби улуғ, ҳам бу халқимизнинг энг қадимий ва муқаддас фазилатларидан биридир. Йилнинг ўн икки ойида ҳам давлатимиз томонидан камхарж, эҳтиёжманд оилалар, ногиронлиги бор, якка-ёлғиз кишилар ҳолидан хабар олиш давом этади.

Бугун эрта тонгдан Поп туманида ҳам “Саховат карвони” ташкил этилди ва 1000 дан ортиқ оилага рўзғор учун энг зарур озиқ-овқат маҳсулотлари етказилди. Туман ҳокимлиги ва олийҳиммат ҳомийлар томонидан тайёрланган қутилардаги маҳсулотлар хонадонларга маҳалла раислари ва ҳоким ёрдамчилари орқали жўнатилди.