Заҳириддин Муҳаммад Бобур таваллудига жорий йилда 540 йил тўлди. Шу муносабат билан Наманган муҳандислик-технология институтининг Иқтисодиёт факултети ташаббуси билан “Сен ҳам соғингайсен меҳру-вафо бирла” мавзусида маънавий-маърифий тадбир ташкил этилди. Тадбирни институтнинг ёшлар масалалари, маънавият ва маърифат ишлари бўйича биринчи проректори Маъруфжон Қаюмов кириш сўзи билан очиб, буюк аждодимизнинг шонли тарихи ҳақида тўхталди.

Тадбирда институт ректори маслаҳатчиси Маматхон Ходжаев, факултет декани Камолиддин Маткаримов, факултетнинг профессор-ўқитувчилари, кафедра мудирлари, тюторлар ва талаба-ёшлар иштирок этишди. Тадбир давомида факултетининг бир гуруҳ иқтидорли талабалари томонидан рубоий ва ғазаллар ўқилди. Бобур ғазали билан ижро этилган миллий мумтоз қўшиқларимиз янгради. Саҳна кўринишлари намойиш этилди.

©️Наманган муҳандислик-технология институти Ахборот хизмати