Namangan viloyati xokimligi, Namangan harbiy prokuraturasi, Milliy gvardiya Namangan viloyati bo‘yicha boshqarmasi, Qo‘riqlash boshqarmasi, viloyat MIB, Yoshlar ishlari agentligi viloyat kengashi, Yoshlar ittifoqi viloyat boshqarmasi hamkorligida viloyatda tashkil etilgan «Jasorat maktabi» o‘quv yig‘ini yoshlari uchun Vatanparvarlik tadbirlari doirasida «Ochiq eshiklar kuni» tashkil etildi.
Vatanparvarlik tadbirlarini o‘tkazishdan asosiy maqsad, mahallalardagi uyushmagan yoshlarda Vatanga sadoqat, jasorat, mardlik, shukronalik tuyg‘ularini shakllantirish, ularni turli yot g‘oyalar ta’siridan asrash, buyuk ajdodlarimizga munosib Vatanparvar, jasur avlodni tarbiyalashdan iborat.
Shuningdek, Milliy gvardiya Namangan viloyati qo‘riqlash boshqarmasi hamda chavandozlar maktabi yo‘riqchi (ma’sul)lari tomonidan sportning «Kamondan otish», «Ot sporti» turlari bo‘yicha yoshlarga mahorat darslari, sportning boshqa turlari bo‘yicha musobaqalar o‘tkazilib, g‘oliblar munosib rag‘batlantirildi.