Наманган муҳандислик-қурилиш институтининг Ислом Каримов кўчасидаги талабалар турар-жойи ҳудудида 12 қаватли, умумий лойиҳа қиймати 86 млрд 300 млн сўм бўлган янги турар-жой биноси қурилиши бошланди.

НамМҚИ ректори, проректорлар ва қурилиш ташкилоти раҳбарлари иштирокида ушбу турар-жой биноси лойиҳаси яна бир бор кўздан кечирилди. Ўзбекона удумларга мувофиқ жонлиқ сўйилиб, дуо-фотиҳа қилинди ва қудратли машиналар котлован қазишга киришди.

Маълумот учун, “Нифрит импекс” МЧЖ томонидан тайёрланган ушбу лойиҳа асосида талабалар 1000 ўринли турар-жой барпо этилади. Қурилиш ишлари 2023 йилнинг 3-чорагида якунланиб, фойдаланишга топширилади.

НамМҚИ медиа маркази