ЁШЛАРГА ОИД ЯНГИ НОРМАЛАРНИ КЕЛАЖАГИМИЗ ЭГАЛАРИ КЎТАРИНКИ РУҲДА ҚАРШИ ОЛИШМОҚДА

Маълумки, юртимиз бўйлаб шу йилнинг 30-апрел куни ўтказиладиган муҳим сиёсий жараён — Референдумга бағишланган кенг кўламли тарғибот-ташвиқот ишлари олиб борилмоқда.
Шу муносабат билан O’zLiDePдан сайланган маҳаллий Кенгаш депутатлари О.Бабаҳанов, С.Гаппарова, Ғ.Бабаханов ва Қ.Дадабаевлар ташаббуси билан Наманган Давлат университети Инглиз филологияси факультетида Референдум ва Конституциявий ислоҳотлар тарғиботига бағишланган «Биз келажагимизга бефарқ эмасмиз» номли тарғибот тадбири ўтказилди.
Янгиланаётган Конституцияда шу каби инсон қадри, манфаати учун хизмат қиладиган нормалар амалдагисидан 3 баробарга кўп. Ҳаттоки, уларни амалга ошириш механизмлари, давлат органларининг фаолияти устидан жамоатчилик назорати ўрнатилиши назарда тутилмоқда.
Конституциявий қонун лойиҳасида ёшларга оид янги нормалар белгиланаётгани келажагимиз эгалари кўтаринки руҳда қарши олинди,-дейди факультетнинг ёшлар масалалари бўйича декан ўринбосари С.Даминжанов.
Тадбир давомида қатнашчиларни қизиқтирган саволларга батафсил жавоб берилди.