Конституция – келажагимиз кафолати

Наманган вилоят маъмурий судининг судьялари О.Турдиев, У.Нишонова, Ф.Мадрахимов ҳамда туманлараро маъмурий судининг раиси О.Зиявитдинов томонидан Наманган вилояти юридик техникумида
“Янги Ўзбекистон – ҳуқуқий демократик давлат: инсон ҳуқуқ ва эркинликларини ҳимоя қилиш  Конституциявий ислоҳотларнинг муҳим устувор йўналиши” мавзусида талабалар иштирокида давра суҳбати ўтказилди. Давра суҳбати давомида Конституциямизнинг янгиланиш жараёни ҳамда мамлакатимизда олиб борилаётган конституциявий ислоҳотларнинг мазмун-моҳияти муҳокама қилинди.

Конституция “инсон – жамият – давлат” парадигмасига асосланган ва унда барча тоифаларнинг – ёшлар, аёллар, ногиронлиги бўлган шахслар, ўқитувчилар, ҳатто жиноят содир этган шахсларнинг ҳуқуқ ва манфаатлари акс этгани, хусусан Қомусимизнинг 28-моддасида “агар шахснинг ўз айбини тан олганлиги унга қарши ягона далил бўлса, у айбдор деб топилиши ёки жазога тортилиши мумкин эмаслиги” қатъий белгиланаётгани каби янги нормалар мазмуни техникум талабаларига батафсил тушунтириб берилди.

Шунингдек, мамлакатимизнинг янгиланаётган Конституцияси ҳақида аниқ ҳуқуқий-таҳлилий маълумотларга алоҳида тўхталиб ўтилди.