Тиббиёт соҳасида амалга оширилган ишлар муҳокама қилинди

Мамлакатимиздада соғлиқни сақлаш соҳасидаги ислоҳотлар босқичма-босқич олиб борилмоқда. Сўнгги йилларда Ўзбекистонда аҳолига юқори сифатли тиббий хизмат кўрсатиш бўйича олиб борилаётган ислоҳотлар бугун давлат сиёсатининг бош мақсадига айланди. Соҳа мутасаддилари томонидан амалга оширилаётган ишларни аҳолига етказишни эса замоннинг ўзи талаб этмоқда.

 Маҳаллий Кенгаш депутатлари О.Бабаҳанов, Ғ.Бабахановлар томонидан сайлов округларида жойлашган вилоят юқумли касалликлар шифоҳонаси ҳамда вилоят фтизиатрия ва пульмонология марказларининг 2023 йил 6 ойи давомидаги фаолияти юзасидан ҳисоботлари тингланди.

Вилоят юқумли касалликлар шифоҳонасида ўтган 6 ой давомида 6437 нафар бемор даволанган. Бу ўтган йилга нисбатан 1712 тага кўп. Шунингдек ўтган давр мобайнида аҳолини гепатитга текшириш миқдори ҳам сезиларли ошган. Масалан, 2022 йил ўтган 6 ойи давомида 7068 нафар фуқаро ИФА усулида текширилган бўлса 2023 йилнинг мос даври учун ушбу кўрсаткич 10 484 нафарни ташкил қилади.