“Даъватларга берилманг” — Россия армиясига ёлланаётган барча Ўзбекистон фуқаролари истисносиз жиноий жавобгарликка тортилади

Ўзбекистоннинг Қозон шаҳридаги Бош консулхонасининг маълум қилишича, фуқароликдан чиқаришга доир президент фармони қабул қилингунга қадар, ўзбекистонликларнинг хорижий давлат фуқаролиги эътироф этилмайди.

Дипломатик ваколатхона юртдошларимизни уруш тарғиботларига берилмасликка чақириб, хорижий давлат ҳудудидаги ҳарбий ҳаракатларда қатнашиш жиноятини содир қилган барча Ўзбекистон фуқаролари истисносиз жиноий жавобгарликка тортилиши ҳақида огоҳлантирган.