“Яшил макон” лойиҳаси

Маълумки, давлатимиз раҳбарининг ташабууси билан бошланган ва кенг қулоч ёйган “Яшил макон” лойиҳаси доирасида ҳудудларда мевали ва манзарали кўчатлар экилмоқда.

Умуммиллий ҳаракатга айланган ушбу хайрли тадбирларда Мажбурий ижро бюроси органлари ҳам фаол иштирок этиб, ўзининг муносиб ҳиссасини қўшиб келмоқда.

Хусусан, Бюронинг Наманган вилоят бошқармаси ва Учқўрғон туман бўлими ходимлари иштирокида Наманган давлат ўрмон хўжалигининг “Теракзор” участкасида барпо этиш учун ажратилган ер майдонида кенг қамровли ободонлаштириш ва кўкаламзорлаштириш ишлари амалга оширилди.

Жумладан, қайириб 0.50 сотих ер майдонига мевали ва манзарали дарахтлар ҳамда бута кўчатлари экилди.

Таъкидлаш лозимки, бундай тадбирлар Бюронинг Наманган шаҳар ва туманлар бўлимлари томонидан ҳам амалга оширилмоқда.