Тошкентда ҳоким ёрдамчиси қарийб 640 млн сўмни “еб юборди”

Шайхонтоҳур туманида фаолият юритган ҳоким ёрдамчиси 20 нафар фуқарога ажратилиши керак бўлган 427,7  млн сўмлик кредит маблағларини ўзлаштириб, ўз эҳтиёжларига сарфлаб юборган.

Шунингдек, амалдор ўзининг қариндошларига маҳалла ҳудудида яшамаган бўлса-да, қалбаки тавсияномалар орқали жами 207,7 млн сўм миқдоридаги кредит маблағлари ажратилишига эришиб, ўзлаштириш йўли билан талон-торож қилган.

Мазкур ҳолат юзасидан Жиноят кодексининг 168-моддаси 4-қисми “а” банди ва бошқа моддалари билан жиноят иши қўзғатилган.