Олмалиқдаги колонияда 21 ёшли маҳкум вафот этди

Колониянинг Омбудсманга берган маълумотига кўра, маҳкум 14 февраль куни муассаса шифокорларига соғлиги ёмонлашгани сабаб мурожаат қилган.

Биринчи тиббий ёрдамдан сўнг унинг ҳолати яхшиланмагач, у Олмалиқ шаҳар марказий шифохонасига ётқизилган. Бироқ 15 февраль куни шифохонада гипертония ва бирламчи юрак етишмовчилиги оқибатида вафот этган.

Ҳозирда Омбудсман ҳолатни назоратга олиб, бош прокуратурага мурожаат йўллаган.