Янгиқўрғонда ота 2 нафар фарзанди учун алимент қарздорлигини тўлаб берди

Фуқаролик ишлари бўйича Янгиқўрғон туманлараро судининг қарорига асосан қарздор М.Х дан ундирувчи Ф.Х нинг фойдасига 2 нафар вояга етмаган фарзандининг моддий таъминоти учун иш ҳақи ва бошқа даромадлари алимент ундириш белгиланган. Мазкур ижро ҳужжати Бюронинг Янгиқўрғон туман бўлими иш юритувига келиб тушган ва ижро ҳаракатларига киришилган.

Мазкур ижро ҳужжати бўйича қарздор ота алимент тўловларини ўз вақтида тўлмаганлиги учун Бюронинг туман бўлими томонидан маъмурий баённома расмийлаштирилиб, қонуний хал қилишлик учун жиноят ишлари бўйича туман судига тақдим этилди.

Очиқ суд мажлисида қарздор ота жами 15.895. 483 сўм алимент тўлашдан бош тортиб келганлиги аниқланди.

Ушбу қарздорлик тўлаб берилиши, акс ҳолда Ўзбекистон Республикаси Маъмурий жавобгарлик тўғрисидаги кодекснинг тегишли моддаларига асосан маъмурий қамоқ жазоси тайинланиши мумкинлиги тушунтирилди. Қарздор ота масъулиятини англаб, дарҳол барча қарздорликни тўлиқ тўлаб берди ва жавобгарликдан озод қилинди.