6-Наманган округ сайлов комиссияси хабар беради
Жорий йилнинг 5 октябрь куни Марказий сайлов комиссияси 1142-сонли қарор қабул қилди. Бу қарор “Сайловчиларнинг муддатидан олдин овоз беришини ташкил этиш тўғрисида”дир.
Қарорга кўра “Сайлов кодекси”га асосан Ўзбекистон Республикаси Президенти сайловини ўтказувчи, сайлов участкаларида сайлов куни ўз яшаш жойида бўлмаган сайловчилар муддатидан олдин овоз берадилар. Бу жараён 14 октябрдан 20 октябргача соат 9:00 дан 19:00 гача давом этади.
Чет давлатлардаги дипломатик ва бошқа ваколатхоналаримизда тузилган сайлов участкаларида ҳам муддатидан олдин овоз бериш ўша жойдаги маҳаллий вақт билан 9:00 дан 19:00 гача амалга оширилади.