2021 йил режасига кўра, мингбулоқлик пахтакорлар 41911 тонна пахта хом ашёсини тайёрлашни режалаштирган бўлиб, 22 октябр ҳолатига кўра, ҳудуддаги жами 312 фермер хўжалиги режани 100,2 фоизга бажариб, 41995 тонналик хирмон кўтарди. Пахта режасини бажариш бўйича Мингбулоқ тумани вилоятда Тўрақўрғон туманидан кейин иккинчи бўлди.

Бу мингбулоқликлар учун катта зафар. Чунки, ҳудуддаги ерларнинг захланиши юқорилиги деҳқон фермерлер учун пахта ҳосилини етиштириш, парваришлаш ва йиғиб олишда бирмунча қийинчиликлар туғдиргани сир эмас.

Фермерларнинг бу улкан зафари замирида давлатимиз ва ҳукуматимиз раҳбариятининг ҳудудларда қишлоқ хўжалигини тубдан ислоҳ қилишга катта эътибор қаратаётгани, «Art Soft Tex Cluster» сармоядорлари, деҳқонларимизнинг фидокорона меҳнати, пахта йиғим-теримини уюшқоқлик билан ташкил этиш борасида амалга оширилган ишлар муҳим омил бўлиб хизмат қилди.