Наманган вилояти ҳокими Шавкатжон Абдуразаков Уйчи туманидаги Ёркатай кичик саноат зонасига ташриф буюрди

Туман ҳокими Шухратжон Мусаев саноат ҳудудида олиб борилаётган ишлар юзасидан маълумот берди.

4,7 гектар майдонни эгаллаган мазкур саноат зонасида 108, 5 млрд. сўмлик 26 та лойиҳа амалга оширилиши ва 861 та янги ишчи ўрни яратилиши кўзда тутилган. Ҳозирда саноат зонасида қурилиш-монтаж ишлари давом этмоқда.

Вилоят ҳокими саноат зонасида тадбиркорлар билан мулоқотда бўлиб, тадбиркорларга қурилиш ишларини жадаллаштириш бўйича тавсиялар берди.