“Инсон қадри улуғ, хотира муқаддас!”

Бугун кўпчилик Хотира ва қадрлаш куни арафасида Иккинчи жаҳон уруши қатнашчилари ҳамда фронт орти фахрийлари, табаррук қариялар ҳолидан хабар олиб, уларни совға-саломлар билан йўқлаш ҳаракатида.

Айни шу мақсадда Халқ депутатлари Наманган шаҳар Кенгаши депутати Қобилжон Дадабаев ташаббуси билан 1-Орзу сайлов округи худудидаги маҳаллаларда истиқомат қилаётган ана шундай инсонлар хонадонига ташриф буюриб, уларга байрам туҳфалари топширилди.

Бугунги тинч ва осойишта юртда яшаётганимизга шукроналар айтамиз — дейди Мустақиллик маҳалласида яшовчи Февзияхон Абдурахманова. –Депутатимизнинг йўқловидан бошимиз осмонга етди. Бизни қадрлаётганларнинг барчасига раҳмат.