(«Hududgazta’minot» АЖ тизимидаги хотин-қиз матбуот котибларига бағишланади)

Ахборот олами бу — катта майдон,
Халқни янгиликдан қилар хабардор.
Дадиллик, журъат ва шижоат билан
Ана шу майдонда ўз ўрнингиз бор.

Аёлсиз — меҳнатда эркакдек кучли,
Қаҳратон, саратон тўхтамайди иш.
«Ҳудудгаз» имиджи сиз учун муҳим,
Мақсад бир — тизимни кенг тарғиб қилиш.

«Аёлман», демайсиз, чўл, қир кезасиз,
Заҳматин ёритай, дейсиз газчининг.
Яхши созлаб олиб камерангизни,
Дейсиз: «тўғри туринг», «бироз жилмайинг».

Объектив нигоҳи газ тармоқларда,
Суратга олинар карта, газ баллон.
Оила ташвиши, иш масъулияти,
Бу сизга бахт, шодлик беради ҳар он.

Истеъмолчи билсин қулайликни деб,
Мақола ёзасиз йиғиб маълумот.
Қатнайсиз эринмай «Тв», радиога
Тезроқ чиқса, дейсиз лавҳа, ахборот.

Баъзан блогерга берасиз изоҳ,
Нохолис хабарлар бўлмаслиги-чун.
Газчининг меҳнатин «яхши», деб айтиш,
Эътироф этмоқлик фахр сиз учун.

Сиз нозик хилқатсиз, кибордан йироқ,
Сиз яхши ҳамкасбсиз, сиз самимий дўст.
Сиз бор газ соҳасин танийди ҳамма,
Сиз бор ГАЗЧИ номи бўлмайди унут!

Зебо Қутлиева